ham khuun ki qistein to kai de chuke lekin — Wali Aasi

dosto DhunD ke ham saa koi pyaasaa laao
ham to aansu bhi jo piite hain to paani ki tarah

dariyaa dikhaai detaa hai har ek reg-zaar
shaayad ki in dinon mujhe shiddat ki pyaas hai

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

musallaa rakhte hain sahbaa-o-jaam rakhte hain
faqir sab ke liye intizaam rakhte hain

sameT bikhre hue kaaghzaat ko apne
koi sadaa tujhe vaapas bulaane vaali hai

main jis kaa javaab na de paaun
aisaa bhi koi savaal karnaa

hai ajab nizaam zakaat kaa mire mulk mein mire des mein
ise kaaTtaa koi aur hai ise baanTtaa koi aur hai

azmat-e-mulk is siyaasat ke
haath nilaam ho rahi hai ab

banaayaa ai 'zafar' khaaliq ne kab insaan se behtar
malak ko dev ko jin ko pari ko huur o ghilmaan ko

bulaa ke baat bhi ki aur muskuraa bhi diyaa
kiyaa shahid bhi qaatil ne khun-bahaa bhi diyaa

vatan ki khaak se mar kar bhi ham ko uns baaqi hai
mazaa daamaan-e-maadar kaa hai is miTTi ke daaman mein

uDaati hai vo tegh chaadar lahu ki
shahidon ko khilat ataa ho rahaa hai