kal saath thaa koi to dar o baam the raushan — Waseem Malik

koi dastak koi aahaT na sadaa hai koi
duur tak ruuh mein phailaa huaa sannaaTaa hai

shaakh se kaT kar alag hone kaa ham ko gham nahin
phuul hain khushbu luTaa kar khaak ho jaaeinge ham

lutf ye hai ki usi shakhs ke mamnun hain ham
jis ki talvaar ne qiston mein hamein kaaTaa hai

lagtaa hai judaa sab se kirdaar 'vasim' us kaa
vo shahr-e-mohabbat kaa baashinda nazar aae

jo shakhs miraa dast-e-hunar kaaT rahaa hai
naadaan hai shaadaab shajar kaaT rahaa hai

main is liye zinda huun ki main bol rahaa huun
duniyaa kisi gunge ki kahaani nahin likhti

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dabaa sakaa na sadaa us ki teri bazm kaa shor
khamosh rah ke bhi koi sadaa banaa huaa hai

jaan dene ke sivaa aur bhi tadbir karun
varna ye baat to ham us se sadaa kahte hain

jab yaad mein taDpein to mohabbat ko baDhaa dein
khud dard-e-mohabbat ki masihaai mohabbat