khudi kaa nashsha chaDhaa aap mein rahaa na gayaa — Yagana Changezi

parda-e-hijr vahi hasti-e-mauhum thi 'yaas'
sach hai pahle nahin maalum thaa ye raaz mujhe

jaras ne muzhda-e-manzil sunaa ke chaunkaayaa
nikal chalaa thaa dabe paanv kaarvaan apnaa

ajab kyaa hai ham aise garm-raftaaron ki Thokar se
zamaane ke buland-o-past kaa hamvaar ho jaanaa

vatan se kyaa ki havaa-e-vatan se hain bezaar
lipaT rahe jo bagulon se dasht-e-ghurbat ke

maut maangi thi khudaai to nahin maangi thi
le duaa kar chuke ab tark-e-duaa karte hain

nai zamin nayaa aasmaan nai duniyaa
ajiib shai ye tilism khayaal hotaa hai

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

donon bahr-e-shola-e-zaat donon asir-e-anaa
dariyaa ke lab par paani dasht ke lab par pyaas

ai rangun mein chalti havaa meraa sandesa leti jaa
teraa to un ki galiyon mein aanaa-jaanaa hogaa hi

aadmi honaa khudaa hone se behtar kaam hai
khud hi khud ke khvaab ki taabir ban kar dekh le