musibat kaa pahaaD aakhir kisi din kaT hi jaaegaa — Yagana Changezi

parda-e-hijr vahi hasti-e-mauhum thi 'yaas'
sach hai pahle nahin maalum thaa ye raaz mujhe

jaras ne muzhda-e-manzil sunaa ke chaunkaayaa
nikal chalaa thaa dabe paanv kaarvaan apnaa

ajab kyaa hai ham aise garm-raftaaron ki Thokar se
zamaane ke buland-o-past kaa hamvaar ho jaanaa

vatan se kyaa ki havaa-e-vatan se hain bezaar
lipaT rahe jo bagulon se dasht-e-ghurbat ke

maut maangi thi khudaai to nahin maangi thi
le duaa kar chuke ab tark-e-duaa karte hain

nai zamin nayaa aasmaan nai duniyaa
ajiib shai ye tilism khayaal hotaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

had-e-imkaan se aage main jaanaa chaahtaa huun par
abhi imaan aadhaa hai abhi laghzish adhuri hai

dikhaanaa paDegaa mujhe zakhm-e-dil
agar tiir us kaa khataa ho gayaa

tum se kahaa thaa baam pe mat jaanaa aaj shaam
dekhaa naan saare shahr ki to eid ho gai

us ek ashk kaa bahnaa nasheb-e-jaan ki taraf
aur andarun mein har samt nuur ho jaanaa