chaahiye thi aap ki tasvir so — Yashvardhan Mishra

dekh saktaa huun binaa chashme ke main
dost teri bevafaai saaf saaf

raushni bhi tirgi bhi saath hai yaa yuun kahein
zindagi khush hai magar khush bhi tavaaif ki tarah

daf'atan main Thiik ho saktaa huun chaaraagar mire
tu mujhe pahnaa de us ke naam kaa taa'viz gar

rakh liyaa thaa main ne roza jaan tumhaare naam kaa
tum ko dekhaa khvaab mein aur meri sehri ho gai

tumhaare bin nahin lete kabhi karvaT akele ham
tumhaari yaad bhi karvaT hamaare saath leti hai

rang saare aa gae 'aariz pe mere
jab kahaa us ne mujhe holi mubaarak

vo chaand hai to aks bhi paani mein aaegaa
kirdaar khud ubhar ke kahaani mein aaegaa

muddaton baa'd kabhi ai nazar aane vaale
iid kaa chaand na dekhaa tiri surat dekhi

ai mire dost ek muddat se
chaand dekhaa nahin teri chhat se

chaand taare to mire bas mein nahin hain 'aazar'
phuul laayaa huun miraa haath kahaan tak jaaataa

sharaab o saaqi-e-mah-ru jo saath hon 'bedaar'
to khush-numaa hai shab-e-maahtaab mein dariyaa

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun