zindagi koh-e-be-sutun goyaa — Yazdani Jalandhari

bazm-e-vafaa saji to ajab silsile hue
shikve hue na un se na ham se gile hue

ijz ke saath chale aae hain ham 'yazdaani'
koi aur un ko manaa lene kaa Dhab yaad nahin

shama hogi subh tak baaqi na parvaane ki khaak
ahl-e-mahfil ki zabaan par daastaan rah jaaegi

milaa hai taptaa sahraa dekhne ko
chale the ghar se dariyaa dekhne ko

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

ab samajh lete hain miThe lafz ki kaDvaahaTein
ho gayaa hai zindagi kaa tajraba thoDaa bahut

ik hi lamhe mein samajh aati nahin koi kitaab
umr lagti hai kisi shakhs ko pahchaanne mein

ik umr ho gai hai use chaahte hue
ik umr se ye baar-e-garaan Dho rahe hain ham