milaa hai taptaa sahraa dekhne ko — Yazdani Jalandhari

bazm-e-vafaa saji to ajab silsile hue
shikve hue na un se na ham se gile hue

ijz ke saath chale aae hain ham 'yazdaani'
koi aur un ko manaa lene kaa Dhab yaad nahin

shama hogi subh tak baaqi na parvaane ki khaak
ahl-e-mahfil ki zabaan par daastaan rah jaaegi

zindagi koh-e-be-sutun goyaa
har nafas ek taisha-e-farhaad

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

tu dariyaa hai to hogaa haan magar itnaa samajh lenaa
tire jaise kai dariyaa miri aankhon mein rahte hain

kabhi dariyaa kabhi sahraa banaayaa
kisi ke ishq ne kyaa kyaa banaayaa

dariyaa ke kinaare pe miri laash paDi thi
aur paani ki tah mein vo mujhe DhunD rahaa thaa

sath-e-dariyaa par ubharne ki tamannaa hi nahin
arsh par pahunche hue hain jab se gahraai mili

dariyaa pe Tikri se pare khaanqaah thi
tab tere mere pyaar ki duniyaa gavaah thi