simTe rahe to dard ki tanhaaiyaan milin — Yusuf Azmi

palkein hain ki sargoshi mein khushbu kaa safar hai
aankhon ki khamoshi hai ki aavaaz kaa chehra

main vaqt ke kohraam mein kho jaaun to kyaa gham
DhunDegaa zamaana miri aavaaz kaa chehra

paani ki maujon pe likkhi hai lamhon ki be-ruh kahaani
kyaa paayaa hai kyaa khoyaa hai main sadiyon se khoj rahaa huun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

aah ye mahki hui shaamein ye logon ke hujum
dil ko kuchh biiti hui tanhaaiyaan yaad aa gaiin

ishq jab tak na aas-paas rahaa
husn tanhaa rahaa udaas rahaa