khudaa-e-amn jo kahtaa hai khud ko — Zafar Sahbai

ye amal ret ko paani nahin banne detaa
pyaas ko apni saraabon se alag rakhtaa huun

jo paDhaa hai use jiinaa hi nahin hai mumkin
zindagi ko main kitaabon se alag rakhtaa huun

jhuuT bhi sach ki tarah bolnaa aataa hai use
koi luknat bhi kahin par nahin aane detaa

dilon ke biich na divaar hai na sarhad hai
dikhaai dete hain sab faasle nazar ke mujhe

jab adhure chaand ki parchhaain paani par paDi
raushni ik naa-mukammal si kahaani par paDi

shikaayaton ki adaa bhi baDi niraali hai
vo jab bhi miltaa hai jhuk kar salaam kartaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

ghair se nafat jo paa li kharch khud par ho gai
jitne ham the ham ne khud ko us se aadhaa kar liyaa

namak bhar kar mire zakhmon mein tum kyaa muskuraate ho
mire zakhmon ko dekho muskuraanaa is ko kahte hain

jiite ji aur tark-e-mohabbat
mar jaanaa aasaan nahin hai

hijr-e-jaanaan ke alam mein ham farishte ban gae
dhyaan muddat se chhuTaa aab-o-taaam-o-khvaab kaa