buraa na maan 'ziyaa' us ki saaf-goi kaa — Zia Jalandhari

rang baatein karein aur baaton se khushbu aae
dard phulon ki tarah mahke agar tu aae

himmat hai to buland kar aavaaz kaa alam
chup baiThne se hal nahin hone kaa masala

ishq mein bhi koi anjaam huaa kartaa hai
ishq mein yaad hai aaghaaz hi aaghaaz mujhe

ye aansu ye pashemaani kaa izhaar
mujhe ik baar phir bahkaa gai ho

tu koi sukhaa huaa patta nahin hai ki jise
jis taraf mauj-e-havaa chaahe uDaa kar le jaae

abr-e-aavaara se mujh ko hai vafaa ki ummid
barq-e-betaab se shikva hai ki paainda nahin

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

raat bhar shama jalaataa huun bujhaataa huun 'siraaj'
baiThe baiThe yahi shaghl-e-shab-e-tanhaai hai

ek ek se bhiik aansuon ki maang rahaa huun
kis ne mujhe jhonkaa hai jahannam ki fazaa mein

aa gayaa dhyaan mein mazmun tiri yaktaai kaa
aaj matla huaa misraa miri tanhaai kaa