phir yuun huaa ki zindagi ik bojh ban gai — Zoya Shaikh

hamein us se judaa honaa paDaa thaa
hamaare beach duniyaa aa gai thi

khaamushi kaa sabab nahin kuchh bhi
mujh ko bas guftugu se nafrat hai

vo miri saadgi pe martaa hai
mujh ko gahnon ki kyaa zarurat hai

khuddaar khud-parast hain ziddi balaa ke hain
ham jo gae to lauT ke vaapas na aaeinge

suno aao nayaa ik zakhm bakhsho
tumhaaraa hijr buDhaa ho gayaa hai

ishq hai mujh se use yaa ki faqat hamdardi
jab bhi vo chhoD ke jaataa hai palaT aataa hai

kam-umri mein sunet hain
mar jaate hain achchhe log

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

idhar to tuul diyaa hai umiid ko us ne
udhar hayaat ataa ki hai mukhtasar mujh ko

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

meri saari zindagi ko be-samar us ne kiyaa
umr meri thi magar us ko basar us ne kiyaa