Ghazal

"raabta mujh se miraa joD diyaa kartaa thaa vo jo ik shakhs mujhe chhoD diyaa kartaa thaa mujhe dariyaa, kabhi sahraa ke havaale kar ke vo kahaani ko nayaa moD diyaa kartaa thaa is se aage to mohabbat se gila hai mujh ko tu to bas haat miraa chhoD diyaa kartaa thaa baat peDon ki nahin, gham hai parindon kaa 'nadim' ghonsle jin ke koi toD diyaa kartaa thaa"

"dil mubtalaa-e-hijr rifaaqat mein rah gayaa lagtaa hai koi farq mohabbat mein rah gayaa is ghar ke do makin the ik peD aur main ye hijr to kisi ki sharaarat mein rah gayaa ik baar mana karti hui shaam se to puchh jo bhi judaa huaa vo haqiqat mein rah gayaa mumkin thaa tujh ko chhin hi letaa jahaan se lekin main kyaa karun main mohabbat mein rah gayaa ab tu hi meri khaali hatheli ki laaj rakh mujh se to koi farq ibaadat mein rah gayaa tujh par hai koi zoam na khud par yaqin 'nadim' kuchh din kaa ham mein pyaar to aadat mein rah gayaa"

"haalat-e-haal mein aadaab nahin bhultaa main khud ko bhulun bhi to ahbaab nahin bhultaa main main abhi ishq nahin haalat-e-imaan mein huun jang karte hue asbaab nahin bhultaa main jazb karti hui khilqat se mohabbat hai mujhe chaand ko chhoDiye taalaab nahin bhultaa main ai mujhe khvaab dikhaate hue logo sun lo meraa dukh ye hai koi khvaab nahin bhultaa main paarsaai nahin tanhaai mayassar thi vahaan so tire mimbar-o-mehraab nahin bhultaa main"

"bahut shiddat se jo qaaem huaa thaa vo rishta ham mein shaayad jhuuT kaa thaa mohabbat ne akelaa kar diyaa hai main apni zaat mein ik qaafila thaa miri aankhon mein baarish ki ghuTan thi tumhaare paanv baadal chumtaa thaa tumhaari hi gali kaa vaaqia hai main pahli baar jab tanhaa huaa thaa khujuron ke darakhton se bhi unchaa mire dil mein tumhaaraa martaba thaa mohabbat is liye bhi ki gai thi hamaaraa sher kahnaa masala thaa mujhe ik phuul ne samjhaai duniyaa jo tere sabz baaghon mein khilaa thaa zuhur-e-aadam-o-havvaa se pahle hamaare vaaste sab kuchh nayaa thaa zamin par jab zamini masale the to baarish bhi mukammal vaaqia thaa qadam uThne mein kitni barkatein thiin aur un haathon mein kaisaa zaaiqa thaa phir is ke baad raste mar gae the main bas ik saans lene ko rukaa thaa"

"tamaam umr jale aur raushni nahin ki ye zindagi hai to phir ham ne zindagi nahin ki sitam to ye hai ki mere khilaaf bolte hain vo log jin se kabhi main ne baat bhi nahin ki jo dil mein aataa gayaa sidq-e-dil se likhtaa gayaa duaaein maangi hain main ne to shaaeri nahin ki bas itnaa hai ki miraa bakht Dhal gayaa aur phir mire charaagh ne bhi mujh pe raushni nahin ki miri sipaah se duniyaa larazne lagti hai magar tumhaari to main ne baraabari nahin ki kuchh is liye bhi akelaa saa ho gayaa huun 'nadim' sabhi ko dost banaayaa hai dushmani nahin ki"

"dil se ik yaad bhulaa di gai hai kisi ghaflat ki sazaa di gai hai main ne manzil ki duaa maangi thi meri raftaar baDhaa di gai hai aib divaar ke honge zaahir meri tasvir haTaa di gai hai main ne ik dil pe hukumat kyaa ki mujhe talvaar thamaa di gai hai ab mohabbat kaa sabab hai vahshat varna hasrat to miTaa di gai hai ab yahaan se nahin jaa saktaa koi ab yahaan shama jalaa di gai hai mujh mein ab phuul nahin nahin khil sakte meri ab khaak uDaa di gai hai is liye jam ke yahaan baiThaa huun mujh ko meri hi jagah di gai hai"

"kahne lage darakht sahaaraa koi to ho vo dhuup paD rahi hai ki saaya koi to ho sochaa thaa kaT hi jaaegi tanhaa tamaam 'umr lekin tamaam 'umr khudaaraa koi to ho ik 'umr tujh se mil na sake aur ek 'umr ye sochte kaTi ki bahaana koi to ho tanhaai is qadar hai ki 'aadat si ho gai har vaqt kahte rahnaa hamaaraa koi to ho kuchh is liye bhi mujh ko mohabbat hai tum se dost meraa koi nahin hai tumhaaraa koi to ho kamre mein aaj mere 'alaava koi nahin kamre mein aaj mere 'alaava koi to ho"

"shadid girya kaa matlab bataa rahaa thaa hamein vo ro rahaa thaa ki ronaa sikhaa rahaa thaa hamein ham us ke uTThe hue haath ki taraf bhaage pata chalaa ki vo rasta dikhaa rahaa thaa hamein pahaaD us ke ilaaqe mein Dher hote hain vo apne gaanv ki baatein sunaa rahaa thaa hamein ham apne aap ko vaisaa banaa samajh rahe the hamaare baare mein jaisaa bataa rahaa thaa hamein zarur us kaa koi pyaas se maraa hogaa vo kitne pyaar se paani pilaa rahaa thaa hamein bujhaa rahaa thaa charaaghon ko apni saanson se aur apne nuur ki lau se jalaa rahaa thaa hamein"

"maangte maangte duaa mire saath bujh gayaa aakhiri diyaa mire saath tu ne mujh ko tasalli denaa thi tu bhi ai shakhs ro paDaa mire saath dil mein aayaa khayaal tujh se milun chal paDaa ek raasta mire saath koi jachtaa nahin alaava tire varna ik ham-safar to thaa mire saath bad-nasibi ki ishq kar ke bhi koi dhoka nahin huaa mire saath dushmani to miri thi suraj se shahr kaa shahr jal gayaa mire saath saare chehre hi tere chehre hain tu rahaa hai judaa judaa mire saath"

"ajiib huun ki mohabbat shanaas ho kar bhi udaas lagtaa nahin huun udaas ho kar bhi khudaa ki tarah koi aadmi bhi hai shaayad nazar jo aataa nahin aas-paas ho kar bhi numu ki raushni le kar ugaa huun sahraa mein main sabz ho nahin saktaa huun ghaas ho kar bhi vajud vahm banaa miT gayaa magar phir bhi tumhaare paas nahin huun qayaas ho kar bhi ye aadmi pe hukumat tumhein mubaarak ho faqir kaise chhupe khush-libaas ho kar bhi"

"hamaare haafize be-kaar ho gae saahib javaab aur bhi dushvaar ho gae saahib use bhi shauq thaa tasvir mein utarne kaa to ham bhi shauq se divaar ho gae saahib tire libaas ke rangon mein kho gai fitrat ye phul-shul to be-kaar ho gae saahib gale lagaa ke use khvaab mein bahut roe aur itnaa roe ki bedaar ho gae saahib hamaari ruuh parindon ko saunp di jaae ki ye badan to gunahgaar ho gae saahib nazar milaai to ik aag ne lapeT liyaa badan jalaae to gulzaar ho gae saahib charaagh dafn kiye the 'nadim' qabron mein zamin se chaand numudaar ho gae saahib"

"dikhaa rahaa huun tamaasha samajh mein aa jaae ki ek baar use duniyaa samajh mein aa jaae ye log jaa to rahe hain nae zamaane mein duaa karo inhein rasta samajh mein aa jaae ghalat na jaan ki aankhein nahin rahin meri so chhu rahaa huun ki chehra samajh mein aa jaae khudaa kare tujhe tahzib-e-mai-kashi ho nasib khudaa kare tujhe nashsha samajh mein aa jaae ye log jang ki baatein nahin kareinge agar gali mein kheltaa bachcha samajh mein aa jaae ham us ko apnaa samajhte hain apnaa maante hain jise hamaaraa ilaaqa samajh mein aa jaae 'nadim' dusraa un ko dikhaai detaa nahin 'nadim' jin ko bhi pahlaa samajh mein aa jaae"

"vaqt ki tarah tire haath se nikle hue hain ham sitaare hain magar raat se nikle hue hain khaamushi ham pe giri aakhiri miTTi ki tarah aise chup hain ki har ik baat se nikle hue hain ham kisi zoam mein naaraaz hue hain tujh se ham kisi baat pe auqaat se nikle hue hain ye miraa gham hai mire dost magar tu ye samajh ashk to shiddat-e-jazbaat se nikle hue hain ham ghulaami ko muqaddar ki tarah jaante hain ham tiri jiit tiri maat se nikle hue hain"

"bas yahi kuchh hai martaba mire paas ek tu hai aur ik du'aa mire paas tujhe kuchh vaqt chaahiye miri jaan vaqt hi to nahin bachaa mire paas raushni hifz ho chuki hai mujhe rakh gayaa thaa koi diyaa mire paas ye tiri guftugu kaa lamha hai is ghaDi hai miraa khudaa mire paas Tahniyaan jhuk rahi thiin tere liye aur phal TuuT ke giraa mire paas ek rumaal aansuon se bharaa aur ik khat jalaa huaa mire paas teraa nemul-badal nahin koi tu faqat ek hi to thaa mire paas ab main jhagDaa karun to kis se karun ab to tu bhi nahin rahaa mire paas"

"ek sukhan ko bhuul kar ek kalaam thaa zarur meraa to zikr hi na thaa par tiraa naam thaa zarur kaanp rahe the mere haath chikh rahe the baam-o-dar zahr agar nahin thaa vo aakhiri jaam thaa zarur yunhi nahin tamaam umr sajde mein hi guzar gai ishq ki is namaaz kaa koi imaam thaa zarur yaad abhi nahin hamein zehn pe zor de chuke tum hi se milne aae the tum se hi kaam thaa zarur tum ne jab us ki baat ki tum pe bhi pyaar aa gayaa chumaa nahin tumhein miyaan garche maqaam thaa zarur aap mujhe bhulaa chuke yaad to kijiye janaab meri bhi ik shanaakht thi meraa bhi naam thaa zarur"

"hijr huun puuraa hijr huun ishq visaal kare dil ki dhaDkan taal ho jism dhamaal kare dekhun us ki chaandni chaand se bhi shaffaaf aur sunahri raushni apnaa jamaal kare gandum jaise rang par kaali chaadar taan giton jaisi zindagi be-sur-taal kare manzar se jo duur hain un par kare nigaah dhyaan se pahle dekhnaa vahi kamaal kare us kaa ik pal dekhnaa, us par darud salaam hijr bhari jo zindagi ain visaal kare apnaa mujh ko ruup de, apnaa aashiq ho jo bhi us kaa haal hai meraa haal kare saare savaal aasaan hain mushkil ek javaab ham bhi ek javaab hain koi savaal kare"

"ruuh haazir hai mire yaar koi masti ho halqa-e-raqs hai tayyaar koi masti ho mujh ko miTTi ke piyaale mein pilaa taaza sharaab jism hone lagaa be-kaar koi masti ho chaar samton ne tire hijr ke ghunghru baandhe aur ham log bhi hain chaar koi masti ho main man-o-tu ke sahifon ki tilaavat karungaa be-vazu huun miri sarkaar koi masti ho koi vaaiz na vazifa ki koi saum-o-salaat jaan chhuTe miri ik baar koi masti ho tere ehsaas ki shiddat se bharaa baiThaa huun ab na inkaar na iqraar koi masti ho be-niyaazaana rahegaa tiri duniyaa mein faqir khvaab-o-khvaahish nahin darkaar koi masti ho"

"abad hone kaa tajraba kiyaa hai us ne sone kaa tajraba kiyaa hai tum inhein baarishein samajhte ho ham ne rone kaa tajraba kiyaa hai ye parinda na Dubtaa is ne par bhigone kaa tajraba kiyaa hai us ne naakhun baDhaae aur ham ne zakhm hone kaa tajraba kiyaa hai ek patthar uThaa ke chaadar mein sang Dhone kaa tajraba kiyaa hai ham se khelaa gayaa hai sach-much mein yaa khilaune kaa tajraba kiyaa hai us ki aankhon mein ham nahin Duube yunhi khone kaa tajraba kiyaa hai"

"safar ki dhuul ko chehre se saaf kartaa rahaa main us gali kaa musalsal tavaaf kartaa rahaa ye meri aankh ki masjid hai paanv dhyaan se rakh ki is mein khvaab koi etakaaf kartaa rahaa main khud se pesh bhi aayaa to intihaa kar di mujh aise shakhs ko bhi vo muaaf kartaa rahaa aur ab khulaa ki vo kaaba nahin tiraa ghar thaa tamaam umr main jis kaa tavaaf kartaa rahaa main lau main lau huun alaav main huun alaav 'nadim' so har charaagh miraa e'tiraaf kartaa rahaa"

"main khujuron-bhare sahraaon mein dekhaa gayaa huun takht ke baad tire paanv mein dekhaa gayaa huun dafn hoti hui jhilon mein Thikaane hain mire khushk hote hue dariyaaon mein dekhaa gayaa huun masjidon aur mazaaron mein mire charche hain mandiron aur kalisaaon mein dekhaa gayaa huun lamha bhar ko mire sar par koi baadal aayaa kahne vaalon ne kahaa chhaanv mein dekhaa gayaa huun phir mujhe khud bhi khabar ho na saki main huun kahaan aakhiri baar tire gaanv mein dekhaa gayaa huun vasl ke tiin sau terah mein kahin huun maujud hijr ke maarka-aaraaon mein dekhaa gayaa huun"