kisi se ishq karnaa aur is ko baa-khabar karnaa — Abbas Ali Khan Bekhud

karte hain arbaab-e-dil andaaza-e-josh-e-bahaar
meraa daaman dekh kar meraa garebaan dekh kar

hamaari naa-umidi kaa to hai ilzaam qismat par
tumhaaraa muddaaa hotaa to manzur-e-khudaa hotaa hotaa

haalat ke taghayyur par ho maatam-e-maazi kyuun
ik vo bhi zamaana thaa ik ye bhi zamaanaa hai

tavajjoh chaara-gar ki baais-e-taklif hai 'bekhud'
izaafa hai musibat mein davaaon kaa asar karnaa

in buton ne mujh ko be-khud kis qadar dhoke diye
sidhaa-saada jaan kar mard-e-musalmaan dekh kar

azal se sokhta-saamaan huun fikr-e-aashiyaan kyaa ho
na girti barq to ye soz-e-dil se jal gayaa hotaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

na tum aae na chain aayaa na maut aai shab-e-vaada
dil-e-muztar thaa main thaa aur thiin be-taabiyaan meri