baarish sharaab-e-arsh hai ye soch kar 'adam' — Abdul Hamid Adam

saaqi mujhe sharaab ki tohmat nahin pasand
mujh ko tiri nigaah kaa ilzaam chaahiye

taklif miT gai magar ehsaas rah gayaa
khush huun ki kuchh na kuchh to mire paas rah gayaa

sirf ik qadam uThaa thaa ghalat raah-e-shauq mein
manzil tamaam umr mujhe DhunDhti rahi

kahte hain umr-e-rafta kabhi lauTti nahin
jaa mai-kade se meri javaani uThaa ke laa

jin se insaan ko pahunchti hai hamesha taklif
un kaa daavaa hai ki vo asl khudaa vaale hain

ai gham-e-zindagi na ho naaraaz
mujh ko aadat hai muskuraane ki

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

kitnaa mushkil hai zindagi karnaa
aur na socho to kitnaa aasaan hai

ghar banaane ki baDi fikr hai duniyaa mein hamein
saahab-e-khaana bane jaate hain mehmaan ho kar

fil-haqiqat koi nahin martaa
maut hikmat kaa ek pardaa hai

kharidaari hai shahd o shiir o qasr o huur o ghilmaan ki
gham-e-din bhi agar samjho to ik dhandaa hai duniyaa kaa