sab apni apni raah par aage nikal gae — Abdul Majeed Khan Majeed

nahin milti unhein manzil jinhein khauf-e-havaadis hai
jo maujon se nahin Darte nadi ko paar karte hain

zindagi chhoTi hai saamaan bahut
aur dil ke bhi hain armaan bahut

ab charaaghon mein zindagi kam hai
dil jalaao ki raushni kam hai

bevafaa kahiye baa-vafaa kahiye
dil mein aae jo barmalaa kahiye

na jaane kis ki yaad ne li dil mein gudgudi
aaina dekh dekh ke sharmaa rahe hain ham

kahaan shikva zamaane kaa pas-e-divaar karte hain
hamein karnaa hai jo bhi ham sar-e-baazaar karte hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

pyaaso raho na dasht mein baarish ke muntazir
maaro zamin pe paanv ki paani nikal paDe

muddat hui palak se palak aashnaa nahin
kyaa is se ab ziyaada kare intizaar chashm

kisi ke raste pe kaise nazrein jamaae rakkhun
abhi to karnaa mujhe hai khud intizaar meraa

mujh ko lagtaa hai ghaDi jis ne banaai hogi
intizaar us ko bhi shiddat se kisi kaa hogaa