kitne be-nur hain ye hangaame — Abdul Mateen Niyaz

ham-nafas khvaab-e-junun ki koi taabir na dekh
raqs karnaa hai to phir paanv ki zanjir na dekh

be-rukhi dekh ab zamaane ki
muddaaa kyuun zabaan se niklaa

dil ne har daur mein duniyaa se baghaavat ki hai
dil se tum rasm-o-rivaayaat ki baatein na karo

logon ko apni fikr hai lekin mujhe nadim
bazm-e-hayaat-o-nazm-e-gulistaan ki fikr hai

vaqt mohlat na degaa phir tum ko
tiir jis dam kamaan se niklaa

intishaar-o-khauf har ik sar mein hai
aafiyat se kaun apne ghar mein hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

ik sadma-e-mohabbat ik sadma-e-judaai
ginti ke do hain lekin laakhon ki jaan par hain

ye saal tul-e-masaafat se chuur chuur gayaa
ye ek saal to guzraa hai ik sadi ki tarah