pukhta kar le ai zaahid apnaa imaan — Abdul Waqar

pahle aansu se dil halkaa hotaa thaa
ab aankhon se khuun bahaanaa paDtaa hai

baaton ki qimat jab ghaTne lagti hai
tab ashkon ko kaam mein laanaa paDtaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ret par ik nishaan hai shaayad
ye hamaaraa makaan hai shaayad

aasmaan jhaank rahaa hai 'khaalid'
chaand kamre mein mire utraa hai

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi