zakhm khaa kar bhi jo duaaein de — Abdurrahman Momin

abhi se tujh ko paDi hai visaal ki miri jaan
abhi to hijr ne unvaan hi nahin paayaa

yaad aate hain ve din bahut
kyon na ve din dobaaraa karein

aaj suraj ne kah diyaa 'momin'
tu jalegaa to raushni hogi

ve saamne se jaa chukaa to ye khulaa
vo khvaab lag rahaa thaa khvaab thaa nahin

jaane kyaa kah rahaa thaa vo mujh se
main ne bhi kah diyaa ki khush huun main

us ne vaada nahin liyaa mujh se
aur kahtaa hai main mukar rahaa huun

duaa ye hai na hon gumraah ham-safar mere
'khumaar' main ne to apnaa safar tamaam kiyaa

main jo kahtaa huun mujh se duur raho
ye nasihat hai iltimaas nahin

qubul un ki duaaein zarur hoti hain
ragon mein apni lahu jo halaal rakhte hain

aae hain sunte ki aisaa vaqt bhi aataa hai jab
ho davaa yaa phir duaa kuchh kaargar hotaa nahin

jidhar bhi jaataa hai vo shola-e-bahaar-sarisht
duaaein detaa hai amboh-e-kushtgaan us ko

harif-e-matlab-e-mushkil nahin fusun-e-niyaaz
duaa qubul ho yaa rab ki umr-e-khizr daraaz!