jidhar bhi jaataa hai vo shola-e-bahaar-sarisht — Ishrat Zafar

mire aqab mein hai aavaaza-e-numu ki guunj
hai dasht-e-jaan kaa safar kaamyaab apni jagah

vo mere raaz mujh mein chaahtaa hai munkashif karnaa
mujhe mere ghane saae mein tanhaa chhoD jaataa hai

chashma-e-aab-e-ravaan hai jo saraab-e-jaan mein
us ki har lahr mein raqsaan hai tarannum teraa

vo ik lamha jo tere qurb ki khushbu se hai raushan
ab is lamhe ko paaband-e-salaasil chaahtaa huun main

chaar jaanib chikhti samton kaa shor
haanpte saae thakan aur inhitaat

mire kamre ki divaaron mein aise aaine bhi hain
ki jin ke paas har shakhs apnaa chehraa chhoD jaataa hai

maan ki duaa na baap ki shafqat kaa saayaa hai
aaj apne saath apnaa janam din manaayaa hai

aarzu hasrat tamanna muddaaa koi nahin
jab se tum ho mere dil mein dusraa koi nahin

duaa karo ki main us ke liye duaa ho jaaun
vo ek shakhs jo dil ko duaa saa lagtaa hai

aagahi daam-e-shunidan jis qadar chaahe bichhaae
muddaaa anqaa hai apne aalam-e-taqrir kaa

hamaare shahr ki rivaayaton mein ek ye bhi thaa
duaa se qabl puchhnaa asar mein kitni der hai

safar mein maan ki duaaon se chhat banaataa huun
agar kabhi na mayassar ho saaebaan mujhe