falak se kaise miraa gham dikhaai degaa tujhe — Abid Malik

zakhm aur peD ne ik saath duaa maangi hai
dekhiye pahle yahaan kaun haraa hotaa hai

hazaar taane sunegaa khajil nahin hogaa
ye vo hujum hai jo mushtail nahin hogaa

baDe sukun se afsurdagi mein rahtaa huun
main apne saamne vaali gali mein rahtaa huun

miyaan ye ishq to sab TuuT kar hi karte hain
kisi se hijr agar vaalihaana ho jaae

ye mohabbat koi anjaan si shai hoti thi
kyaa ye kam hai ki ise teri badaulat samjhe

sab mujhe DhunDne nikle hain bujhaa kar aankhein
baat nikli hai ki main khvaab mein paayaa gayaa huun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

sach baat to yahi hai vo ab nek ho ki bad
mulkon ki sarhadon ko nahin maante 'asad'

shab-e-maah mein jab bhi ye dard uThaa kabhi bait kahe likhi chaand-nagar
kabhi koh se jaa sar phoD mare kabhi qais ko jaa ustaad kiyaa