gham ke pichho raast kahte hain ki shaadi hove hai — Abroo Shah Mubarak

jaltaa hai ab talak tiri zulfon ke rashk se
har-chand ho gayaa hai chaman kaa charaagh gul

gham siin ahl-e-bait ke ji to tiraa kuDhtaa nahin
yuun abas paDhtaa phiraa jo marsiya to kyaa huaa

kyaa sabab tere badan ke garm hone kaa sajan
aashiqon mein kaun jaltaa thaa gale kis ke lagaa

yuun 'aabru' banaave dil mein hazaar baatein
jab ru-ba-ru ho tere guftaar bhuul jaave

namkin goyaa kabaab hain phike sharaab ke
bosaa hai tujh labaan kaa maze-daar chaTpaTaa

afsos hai ki bakht hamaaraa ulaT gayaa
aataa to thaa pe dekh ke ham kuun palaT gayaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ye saal tul-e-masaafat se chuur chuur gayaa
ye ek saal to guzraa hai ik sadi ki tarah

qaanun jaise kho chukaa sadiyon kaa e'timaad
ab kaun dekhtaa hai khataa kaa hai rukh kidhar

mohabbat karne vaale dard mein tanhaa nahin hote
jo ruThoge kabhi mujh se to apnaa dil dukhaaoge