raahat ki justuju mein khushi ki talaash mein — Adeeb Saharanpuri

yahi mahr o maah o anjum ko gila hai mujh se yaa-rab
ki unhein bhi chain miltaa jo mujhe qaraar hotaa

ik khalish ko haasil-e-umr-e-ravaan rahne diyaa
jaan kar ham ne unhein naa-mehrbaan rahne diyaa

hazaar baar iraada kiye baghair bhi ham
chale hain uTh ke to aksar gae usi ki taraf

manzilein na bhuleinge raah-rau bhaTakne se
shauq ko ta'alluq hi kab hai paanv thakne se

apne apne hauslon apni talab ki baat hai
chun liyaa ham ne unhein saaraa jahaan rahne diyaa

baandh kar ahd-e-vafaa koi gayaa hai mujh se
ai miri umr-e-ravaan aur zaraa aahista

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

hamaari maazarat ai gham ki muskuraa rahe hain
ham apnaa haath tiri pusht se haTaa rahe hain

itni na intishaar ki hiddat ho ru-ba-ru
insaan gham-e-hayaat mein jaltaa dikhaai de

jhuTi mahfil hai jhuTi tanhaai
ik tire 'ishq kaa bharam sachchaa