daagh dil ke hain salaamat to koi baat nahin — Afsar Mahpuri

ham kahaan honge na jaane is tamaashaa-gaah mein
kis tamaashaai se pahle kis tamaashaai ke baad

na jaane is qadar kyuun aap divaane se Darte hain
charaagh-e-anjuman hain aur parvaane se Darte hain

kahaan thi manzil-e-maqsud apni qismat mein
kisi ki raahguzar bhi mili hai mushkil se

ham to us vaqt samajhte hain ki aati hai bahaar
dasht se jab koi jhankaar si aa jaati hai

bahaar aaegi gulshan mein to daar-o-gir bhi hogi
jahaan ahl-e-junun honge vahaan zanjir bhi hogi

ye irtiqaa-e-bashar ki hai kaun si manzil
ki is ki zad mein khudaa bhi hai kaaenaat bhi hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

nikal gayaa miri aankhon se misl-e-khvaa-o-khayaal
guzar gayaa dil-e-raushan se vo nazar ban kar

mohabbat kaa tum se asar kyaa kahun
nazar mil gai dil dhaDakne lagaa

hasinon ki donon adaaein hain dilbar
kisi ki hayaa to sharaarat kisi ki

yaadon ke nasheman ko jalaayaa to nahin hai
ham ne tujhe is dil se bhulaayaa to nahin hai