so jaati hai basti to makaan pichhli gali mein — Afzaal Naveed

kyaa jaane kis kaa haath mire haath aa gayaa
jis ki giraft chaahiye thi shal milaa mujhe

jang se jangal banaa jangal se main niklaa nahin
ho gayaa ojhal magar ojhal se main niklaa nahin

ayyaam ke ghubaar se niklaa to der tak
main raaston ko dhuul banaa dekhtaa rahaa

sahar ki guunj se aavaaza-e-jamaal huaa
so jaagtaa rahaa atraaf ko jagaae hue

darvaaze the kuchh aur bhi darvaaze ke pichhe
barson pe gai baat mahinon se nikal kar

rahti hai shab-o-roz mein baarish si tiri yaad
khvaabon mein utar jaati hain ghanghor si aankhein

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

gham-e-hayaat kaa jhagDaa miTaa rahaa hai koi
chale bhi aao ki duniyaa se jaa rahaa hai koi

be-sadaa si kisi aavaaz ke pichhe pichhe
chalte chalte main bahut duur nikal jaataa huun

khvaab aur tamannaa kaa kyaa hisaab rakhnaa hai
khvaahishein hain sadiyon ki umr to zaraa si hai