har naghma-e-pur-dard har ik saaz se pahle — Afzal Allahabadi

yuun ilaaj-e-dil bimaar kiyaa jaaegaa
sharbat-e-did se sarshaar kiyaa jaaegaa

main chaahtaa thaa ki us ko gulaab pesh karun
vo khud gulaab thaa us ko gulaab kyaa detaa

abhi to us kaa koi tazkira huaa bhi nahin
abhi se bazm mein khushbu kaa raqs jaari hai

teri nisbat mili mujhe jab se
main koi aarzu nahin kartaa

mein iztiraab ke aalam mein raqs kartaa rahaa
kabhi ghubaar ki surat kabhi dhuaan ban kar

ghamon ki dhuup mein milte hain saaebaan ban kar
zamin pe rahte hain kuchh log aasmaan ban kar

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

husn jalva dikhaa gayaa apnaa
ishq baiThaa rahaa udaas kahin

main ne apni palkon par gham-kade sajaae hain
aarzu ke maatam mein sogvaar hasti hai