log hanste hain hamein dekh ke tanhaa tanhaa — Ahmad Ata

ab yahaan kaun nikaalegaa bhalaa duudh ki nahr
ishq kartaa hai tu jaisaa bhi hai achchhaa hai miyaan

naa-rasaai ne ajab taur sikhaae hain 'ataa'
yaani bhule bhi nahin tum ko pukaaraa bhi nahin

saDak pe baiTh gae dekhte hue duniyaa
aur aise tark hui ek khud-kushi ham se

vaisaa hi kharaab shakhs huun main
jaisaa koi chhoD kar gayaa thaa

main teri ruuh mein utraa huaa milungaa tujhe
aur is tarah ki tujhe kuchh khabar nahin honi

aaj dekhaa hai use aisi mohabbat se 'ataa'
vo yahi bhuul gayaa us ko kahin jaanaa thaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

miri jaan aaj kaa gham na kar ki na jaane kaatib-e-vaqt ne
kisi apne kal mein bhi bhuul kar kahin likh rakhi hon masarratein

tujh se milne par but-e-bedard ye uqda khulaa
bholi-bhaali shakl vaale hote hain jallaad bhi

sadiyon se kinaare pe khaDaa suukh rahaa hai
is shahr ko dariyaa mein giraa denaa chaahiye