ashk bahne lag gae manzar nikharne lag gayaa — Ahmad Muneeb

udaasi muskuraati hai miyaan tab sher hote hain
nami aankhon mein aati hai miyaan tab sher hote hain

kise khabar thi khizaan qatl-e-aam kar degi
tumhaare naam se khilte hue gulaabon kaa

kisi gaanv mein kachche ghar ki chhaanv mein koi Tahni
khushi se lahlahaati hai miyaan tab sher hote hain

baat kuchh yuun hai ki kal raat bhari mahfil mein
us kaa jab zikr huaa baat badal di main ne

suraj sitaare chaand falak kahkashaan zamin
bas ik nazar mein dekh liye aasmaan zamin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa