is ishq mein na puchho haal-e-dil-e-darida — Ahmad Sagheer Siddiqui

ye kyaa kam hai amaama baandh kar nikle nahin ham
ab is se bhi sivaa imaan-daari kaun kartaa

kab se main safar mein huun magar ye nahin maalum
aane mein lagaa huun ki main jaane mein lagaa huun

suntaa hai yahaan kaun samajhtaa hai yahaan kaun
ye shaghl-e-sukhan vaqt-guzaari ke liye hai

ye na dekho ki mire zakhm bahut kaari hain
ye bataao ki miraa dushman-e-jaan kaisaa hai

the yahaan saare amal radd-e-amal ke muhtaaj
zindagi bhi hamein darkaar thi marne ke liye

kholin vo dar kisi ne bhi kholaa na ho jise
koi jidhar na jaae udhar jaanaa chaahiye

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

junun-e-mohabbat ne ye din dikhaayaa
ki duniyaa mein rusvaa huaa chaahtaa huun

tamaam farq mohabbat mein ek baat ke hain
vo apni zaat kaa naiin hai ham us ki zaat ke hain

ye risaala ishq kaa hai adaq tire ghaur karne kaa hai sabaq
kabhi dekh is ko varaq varaq miraa siina gham ki kitaab hai