dekhne haalat miri sab aae hain — Ajay Negi

shaam jaldi se guzar jaaegi to ham
is udaasi ko dabaa deinge kahin par

zindagi achchhi bahut hai
aaj phir se jhuuT bolaa

chashm-o-lab-o-rukhsaar par bose diye
ham ne zaraa si der mein kyaa kyaa kiyaa

aasmaan kaa ham khasaaraa kaise karte
us sitaare ko sharaara kaise karte

log koi aur hi matlab nikaalein dosti kaa
aap pahlu se mire thoDaa saa haT ke baiThaa kiije

chaae piite aur baatein karte lekin
tum yahaan aae ho ghussa saath le kar

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

na ho ehsaas to saaraa jahaan hai be-his-o-murda
gudaaz-e-dil ho to dukhti ragein milti hain patthar mein

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

'saif' andaaz-e-bayaan rang badal detaa hai
varna duniyaa mein koi baat nai baat nahin

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi