aasmaan kaa ham khasaaraa kaise karte — Ajay Negi

shaam jaldi se guzar jaaegi to ham
is udaasi ko dabaa deinge kahin par

dekhne haalat miri sab aae hain
ek bas us sang-dil ko chhoD kar

zindagi achchhi bahut hai
aaj phir se jhuuT bolaa

chashm-o-lab-o-rukhsaar par bose diye
ham ne zaraa si der mein kyaa kyaa kiyaa

log koi aur hi matlab nikaalein dosti kaa
aap pahlu se mire thoDaa saa haT ke baiThaa kiije

chaae piite aur baatein karte lekin
tum yahaan aae ho ghussa saath le kar

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa