badan ke shahar mein aabaad ik darinda hai — Akhtar Amaan

tamaam umr guzar jaati hai kabhi pal mein
kabhi to ek hi lamha basar nahin hotaa

hamein har aane vaalaa zakhm-e-taaza de ke jaataa hai
hamaare chaand suraj aur sitaare ek jaise hain

gham hai na ab khushi hai na ummid hai na yaas
sab se najaat paae zamaane guzar gae

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

nahin nahin main bahut khush rahaa huun tere baghair
yaqin kar ki ye haalat abhi abhi hui hai

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

baghair-e-jism bhi hai jism kaa ehsaas zinda
ye khushbu baanTne vaali havaaein bhi qayaamat

ek khushbu thi jo malbus pe taabinda thi
ek mausam thaa mire sar pe jo tufaani thaa