nahin hai mujh ko chaman se nikaalnaa aasaan — Akhtar Asif

aaina to 'aibon ki khabar detaa hai 'aasif'
khush-fahmi-e-insaan kaa magar koi kare kyaa

jis shakhs ko saae ki hai aaj baDi chaahat
puchho to kabhi us ne paude bhi lagaae hain

aaina sach boltaa hai aaina hai mo'tabar
sach ki 'aadat Daal tu bhi mo'tabar ho jaaegaa

main jiyun ehsaan biThaa kar vo bhi ik kam-zarf kaa
zindagi pyaari hai lekin is qadar pyaari nahin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

kiyaa hangaama-e-gul ne miraa josh-e-junun taaza
udhar aai bahaar idhar garebaan kaa rafu TuuTaa

gar vo but-e-gulnaar-qabaa jalva-numaa ho
dein kharqa-e-islaam ko ahl-e-haram aatish

agar chali hai to chal yuun ki paat bhi na hile
khalal na laae sabaa tu faraagh mein gul ke