gar vo but-e-gulnaar-qabaa jalva-numaa ho — Meer Mohammadi Bedar

nahin kuchh abr hi shaagird meri ashk-baari kaa
sabaq leti hai mujh se barq bhi aa be-qaraari kaa

kis tarah haal-e-dil kahun us gul se baagh mein
phirti hai us ke saath to har-dam sabaa lagi

junun ne dast-kaari aisi bhi ki
na thaa goyaa garebaan pairahan mein

ayaan hai shakl tiri yuun hamaare siina se
ki juun sharaab numaayaan ho aabgina se

saaye se apne vahshat karte hain misl-e-aahu
mushkil hai haath lagnaa az-khud ramidgaan kaa

jaataa hai chalaa qaafila-e-ashk shab o roz
maalum nahin us kaa iraada hai kahaan kaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa