paanv uThte hain kisi mauj ki jaanib lekin — Akram Mahmud

ab dil bhi dukhaao to aziyyat nahin hoti
hairat hai kisi baat pe hairat nahin hoti

sitaara aankh mein dil mein gulaab kyaa rakhnaa
ki Dhalti umr mein rang-e-shabaab kyaa rakhnaa

do chaar baras jitne bhi hain jabr hi sah lein
is umr mein ab ham se baghaavat nahin hoti

bas itnaa yaad hai ik bhuul si hui thi kahin
ab is se baDh ke dukhon kaa hisaab kyaa rakhnaa

gum to honaa thaa ba-har-haal kisi manzar mein
dil huaa khvaab mein gum aankh hui aab mein gum

chaDhe hue hain jo dariyaa utar bhi jaaeinge
mire baghair tire din guzar bhi jaaeinge

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

mere siine se nikaalo miri buniyaad ki jaan
itni aasaani se viraan nahin hotaa main