nuqta-e-injimaad ko pahunchaa — Nazia Nazi

aane vaali ruto sabz rakhnaa qabaa
ghuncha-e-dil khizaan se pareshaan hai

guzartaa jaa rahaa hai vaqt juun juun
rag-e-jaan mein utarte jaa rahe ho

use kaho ki natija koi na niklegaa
use kaho ki mohabbat kaa imtihaan na le

nazar-andaaz karnaa to bahut aasaan hai lekin
nazar-andaaz hone se bahut taklif hoti hai

un ko mahsus kyon nahin hotaa
dil taDaptaa hai itni shiddat se

pahle apne the ab paraae hain
lafz naaraaz ho gae mujh se

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

bahut se gham to diye 'zabt' aise logon ne
ki jin se koi tavaqqo na thi vafaa ke sivaa

main mar gayaa to khaak bhi un ko na gham huaa
kahte hain ek chaahne vaalaa to kam huaa

hans ke miltaa hai magar kaafi thaki lagti hain
us ki aankhein kai sadiyon ki jagi lagti hain