maqaam-e-shauq tire qudsiyon ke bas kaa nahin — Allama Iqbal

tire ishq ki intihaa chaahtaa huun
miri saadgi dekh kyaa chaahtaa huun

haan dikhaa de ai tasavvur phir vo subh o shaam tu
dauD pichhe ki taraf ai gardish-e-ayyaam tu

nahin is khuli fazaa mein koi gosha-e-faraaghat
ye jahaan ajab jahaan hai na qafas na aashiyaana

nahin teraa nasheman qasr-e-sultaani ke gumbad par
tu shaahin hai baseraa kar pahaaDon ki chaTaanon mein

azaab-e-daanish-e-haazir se baa-khabar huun main
ki main is aag mein Daalaa gayaa huun misl-e-khalil

baatil se dabne vaale ai aasmaan nahin ham
sau baar kar chukaa hai tu imtihaan hamaaraa

lazzat-e-gham to bakhsh di us ne
hausle bhi 'adam' diye hote

hausla hai to safinon ke alam lahraao
bahte dariyaa to chaleinge isi raftaar ke saath

tu samajhtaa hai gar fuzul mujhe
kar ke himmat zaraa saa bhuul mujhe

kyuun tire dard ko dein tohmat-e-viraani-e-dil
zalzalon mein to bhare shahr ujaD jaate hain

hijr ko hausla aur vasl ko fursat darkaar
ik mohabbat ke liye ek javaani kam hai

aaine par koi tohmat na dharo
khaal-o-khad apne sanvaaro saahab