josh-e-takmil-e-tamannaa hai khudaa khair kare — Amar Singh Figar

bhule se aa gayaa huun farishton ke des mein
kis se pata karun ki yahaan fard kaun hai

har khushi dil se kyuun lagaa baiThein
kis mein gham ho pata nahin hotaa

bhiig jaane par bhi jo bujhtaa na thaa
aaj vo shoala dhuaan hone ko hai

machalti shokh maujon ko main apne naam kyuun likkhun
ki aakhir khushk hogaa mausam-e-barsaat kaa dariyaa

tu ye na puchh mire gaanv mein hain ghar kitne
ye puchh kaun se ghar mein azaab kitne hain

phuul to kyaa khaar bhi manzur hain
be-rukhi se yuun magar pheinko nahin

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

main ne apni palkon par gham-kade sajaae hain
aarzu ke maatam mein sogvaar hasti hai

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

chal su-e-gor-e-garibaan ai haris-e-maal-o-zar
dekh kitni aarzuein nazr-e-madfan ho gaiin

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki