khaali haath nikal ghar se — Ameer Qazalbash

sukut-e-shab mein dar-e-dil pe ek dastak thi
bikhar gai tiri yaadon ki kahkashaan mujh se

honaa paDaa hai khugar-e-gham bhi khushi ki khair
vo mujh pe mehrbaan hain magar be-rukhi ke saath

apne hamraah khud chalaa karnaa
kaun aaegaa mat rukaa karnaa

muztarib hain maujein kyuun uTh rahe hain tufaan kyuun
kyaa kisi safine ko aarzu-e-saahil hai

giraa diyaa hai to saahil pe intizaar na kar
agar vo Duub gayaa hai to duur niklegaa

main ne kyuun tark-e-taalluq ki jasaarat ki hai
tum agar ghaur karoge to pashimaan hoge

jab ki pahlu se yaar uThtaa hai
dard be-ikhtiyaar uThtaa hai

kaanTe se bhi nichoD li ghairon ne bu-e-gul
yaaron ne bu-e-gul se bhi kaanTaa banaa diyaa

ye vaqt kaifiyaat se bhartaa nahin kabhi
ye jaam ikhtiyaar nahin kar rahaa huun main

meri to jaan hi nikal gai jab
dost kah kar mujhe pukaaraa gayaa

vo raatein kaif mein Duubi vo teri pyaar ki baatein
nikal paDte hain aansu jab kabhi ham yaad karte hain

aadmi huun vasf-e-paighambar na maang
mujh se mere dost meraa sar na maang