baDe qarine se sab gham hue hain poshida — Anjuman Mansury Arzoo

unchaa makaan ban gayaa jab se paDos mein
rukhsat hui hai tab se mire baam-o-dar se dhuup

har fikr sirf jaagne vaale kaa hai nasib
jo so rahaa hai bas vahi banda maze mein hai

phir aaj ek ghazal keh ke main mo'attar huun
phir aaj zakhm kiye apne sandali main ne

insaan na ban sakaa hai abhi tak jo aadmi
hairaan main dekh kar huun vo kaise khudaa huaa

taraqqi khuub ki ham ne magar ye bhi haqiqat hai
hamaaraa daaera ghar-baar se aage nahin baDhtaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

main itni raushni phailaa chukaa huun
ki bujh bhi jaaun to ab gham nahin hai

kuchh to khayaal kar miri umr-e-daraaz kaa
sadiyaan guzar gai hain tire intizaar mein

tire khayaal ke pahlu se uTh ke jab dekhaa
mahak rahaa thaa zamaane mein chaar-su tiraa gham