dam jo niklaa to muddaaa niklaa — Nooh Narvi

dil unhein deinge magar ham deinge in sharton ke saath
aazmaa kar jaanch kar sun kar samajh kar dekh kar

jab zikr kiyaa main ne kabhi vasl kaa un se
vo kahne lage paak mohabbat hai baDi chiiz

vo haath mein talvaar liye sar pe khaDe hain
marne nahin deti mujhe marne ki khushi aaj

jo ahl-e-zauq hain vo lutf uThaa lete hain chal phir kar
gulistaan kaa gulistaan mein bayaabaan kaa bayaabaan mein

koi yahaan se chal diyaa raunaq-e-baam-o-dar nahin
dekh rahaa huun ghar ko main ghar hai magar vo ghar nahin

nuuh baiThe hain chaarpaai par
chaarpaai pe nuuh baiThe hain

jaane kab se haath baandhe kar rahaa huun iltijaa
ab to meri baat par aamin kah de zindagi

qalam ki nok pe rakkhe hue charaagh hain ham
havaa chale to hamaare liye du'aa karnaa

hui surat na kuchh apni shifaa ki
davaa ki muddaton barson duaa ki

jis ko bhulaane ki khaatir ro ro ke du'aaein maangi thiin
raat ko us kaa yaad na aanaa yaad aayaa to royaa bahut

nahin mumkin lab-e-aashiq se harf-e-muddaaa nikle
jise tum ne kiyaa khaamosh us se kyaa sadaa nikle

tumhaaraa muddaaa hi jab samajh mein kuchh nahin aayaa
to phir mujh par nazar Daali ye tum ne mehrbaan kaisi