tirgi mein aadmi ko hausla dete hue — Aqeel Abbas

jaane is vaqt kahaan phone paDaa ho us kaa
jaane is vaqt vo kis shakhs ki aaghosh mein ho

sipah-gari kaa hunar bhi sukhan-vari bhi ho
main chaahtaa huun ki lashkar bhi ho pari bhi ho

ek bosa udhaar hai tum par
aur chaae bhi tez patti ki

khudaa ko khat likhungaa khud-kushi kaa
likhungaa main resign kar rahaa huun

safar nigal gae ham ko vagarna ham ne bhi
kahin pahunch ke kisi ko gale lagaanaa thaa

lams-e-husn-e-'ajib ki khvaahish
sar uThaati thi maar di main ne

thaa e'timaad-e-husn se tu is qadar tahi
aaina dekhne kaa tujhe hausla na thaa

ki ik nazar ki tuur saraapaa jalaa diyaa
kis hausle pe koi tiri aarzu kare

harf saare bol uTThein jab bhi main likhne lagun
ab koi jazba miraa mahv-e-duaa lagtaa nahin

ye soch kar tiri mahfil se ham chale aae
ki ek baar to baDh jaae hausla dil kaa

zaraa dariyaa ki tah tak to pahunch jaane ki himmat kar
to phir ai Dubne vaale kinaaraa hi kinaaraa hai

abhi kuchh aur ham ko tohmaton ke zahr piine hain
abhi kuchh aur tum ko bad-gumaani hone vaali hai