ik baras ho gayaa use dekhe — Arif Imam

ek parda hai be-sabaati kaa
aaine aur tire jamaal ke biich

talaash-e-rizq kaa ye marhala ajab hai ki ham
gharon se duur bhi ghar ke liye base hue hain

tumhaare hijr mein marnaa thaa kaun saa mushkil
tumhaare hijr mein zinda hain ye kamaal kiyaa

abhi to main ne faqat baarishon ko jhelaa hai
ab is ke baa'd samundar bhi dekhnaa hai mujhe

banaa rahaa huun abhi ghar ko aaina-khaana
phir apne haath mein patthar bhi dekhnaa hai mujhe

havas na jaan tujhe chhu ke dekhnaa ye hai
tujhe hi dekh rahe hain ki khvaab dekhte hain

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

jaane kitnaa vaqt lagegaa khud se baahar aane mein
tanhaai kaa shor bahut hai shahron ke viraane mein

khauf hai dhund bhari raat hai tanhaai hai
mere kamre mein abhi raat hai tanhaai hai

badan par aaj khaamoshi lapeTe
chalaa aaya sadaa hone se pahle