kyaa DhunDne nikli hai kisi qais ko paagal — Azeem Haider Syed

ai shaam-e-hijr-e-yaar miri tu gavaahi de
main tere saath saath rahaa ghar nahin gayaa

libaas dekh ke itnaa hamein gharib na jaan
hamaaraa gham tiri imlaak se ziyaada hai

isi liye to haar kaa huaa nahin malaal tak
vo mere saath saath thaa uruuj se zavaal tak

chaman ujaaDne vaalo tumhein khudaa samjhe
tumhein na aai hayaa phuul to hamaare gae

baazaar-e-aarzu mein kaTi jaa rahi hai umr
ham ko kharid le vo kharidaar chaahiye

dene vaale tu mujhe niind na de khvaab to de
mujh ko mahtaab se aage bhi kahin jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ai sanam tu vo kanhayyaa hai balaaein luun agar
baansuli ki tarah naalaan hon saraapaa ungliyaan

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai