milte hi nazar dil ko milaayaa nahin jaataa — Asifud Daula

is adaa se mujhe salaam kiyaa
ek hi aan mein ghulaam kiyaa

ham ishq ke bande hain mazhab se nahin vaaqif
gar kaaba huaa to kyaa but-khaana huaa to kyaa

yaa Dar mujhe teraa hai ki main kuchh nahin kahtaa
yaa hausla meraa hai ki main kuchh nahin kahtaa

ye na aane ke bahaane hain sabhi varna miyaan
itnaa to ghar se mire kuchh nahin ghar duur tiraa

faaeda kyaa hai nasihat se phire ho naaseh
ham samajhne ke nahin laakh tu samjhaae hamein

phabaa hai rukh pe tire khush-numaa sanam lekin
hamesha gul pe ye shabnam rahe rahe na rahe

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

hangaam-e-vasl radd-o-badal mujh se hai abas
niklegaa kuchh na kaam nahin aur haan se aaj

dimaagh-o-dil ki thakaan vaalaa
kaDaa safar hai gumaan vaalaa

puuraa kareinge holi mein kyaa vaada-e-visaal
jin ko abhi basant ki ai dil khabar nahin

dil jin ko DhunDhtaa hai na-jaane kahaan gae
khvaab-o-khayaal se vo zamaane kahaan gae