ajiib shor machaane lage hain sannaaTe — Asim Wasti

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

log kahte hain ki vo shakhs hai khushbu jaisaa
saath shaayad use le aae havaa dekhte hain

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

tu mire paas jab nahin hotaa
tujh se kartaa huun kis qadar baatein

miri zabaan ke mausam badalte rahte hain
main aadmi huun miraa e'tibaar mat karnaa

kahin kahin to zamin aasmaan se unchi hai
ye raaz mujh pe khulaa siDhiyaan utarte hue

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

dil agar dil hai to vaabasta-e-gham bhi hogaa
nikhat-e-gul bhi kahin gul se judaa rahti hai

haTo kaandhe se aansu ponchh Daalo vo dekho rail-gaaDi aa rahi hai
main tum ko chhoD kar hargiz na jaataa gharibi mujh ko le kar jaa rahi hai

ehsaas baDhaa detaa hai har dard ki shiddat
mahsus karoge to kasak aur baDhegi