tum ne to hukm-e-tark-e-tamannaa sunaa diyaa — Asrarul Haq Majaz

taskin-e-dil-e-mahzun na hui vo sai-e-karam farmaa bhi gae
is sai-e-karam ko kyaa kahiye bahlaa bhi gae taDpaa bhi gae

Dubo di thi jahaan tufaan ne kashti
vahaan sab the khudaa kyaa naa-khudaa kyaa

yaa to kisi ko jurat-e-didaar hi na ho
yaa phir miri nigaah se dekhaa kare koi

ham arz-e-vafaa bhi kar na sake kuchh kah na sake kuchh sun na sake
yaan ham ne zabaan hi kholi thi vaan aankh jhuki sharmaa bhi gae

tire maathe pe ye aanchal bahut hi khuub hai lekin
tu is aanchal se ik parcham banaa leti to achchhaa thaa

tumhin to ho jise kahti hai naakhudaa duniyaa
bachaa sako to bachaa lo ki Dubtaa huun main

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jab bhi aql banaati hai pahlaa misraa
dil ko misra-e-saani honaa paDtaa hai

kaaba-o-dair mein ab DhunD rahi hai duniyaa
jo dil-o-jaan mein bastaa thaa khudaa aur hi thaa

dil kaa mire parinda tumhaare qafas mein thaa
jab tak tumhaaraa haath miri dastaras mein thaa

hijr mein muskuraae jaa dil mein use talaash kar
naaz-e-sitam uThaae jaa raaz-e-sitam na faash kar