miri barbaadiyon kaa ham-nashino — Asrarul Haq Majaz

tum ne to hukm-e-tark-e-tamannaa sunaa diyaa
kis dil se aah tark-e-tamannaa kare koi

taskin-e-dil-e-mahzun na hui vo sai-e-karam farmaa bhi gae
is sai-e-karam ko kyaa kahiye bahlaa bhi gae taDpaa bhi gae

Dubo di thi jahaan tufaan ne kashti
vahaan sab the khudaa kyaa naa-khudaa kyaa

yaa to kisi ko jurat-e-didaar hi na ho
yaa phir miri nigaah se dekhaa kare koi

ham arz-e-vafaa bhi kar na sake kuchh kah na sake kuchh sun na sake
yaan ham ne zabaan hi kholi thi vaan aankh jhuki sharmaa bhi gae

tumhin to ho jise kahti hai naakhudaa duniyaa
bachaa sako to bachaa lo ki Dubtaa huun main

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

yaar kisi ke gham mein tum mar jaaoge
aur usi din main paagal ho jaaungaa

tere gham se to sukun miltaa hai
apne shoalon ne jalaayaa ham ko

udaas logon ke maathon ko chumte rahnaa
unhi ki vajh se bar-'aks ho gae tum log