bichhaDte vaqt anaa darmiyaan thi varna — Ateeq Anzar

use dekhne ki thi aarzu mujhe us ki thi baDi justuju
magar us ke aariz-e-naaz pe miri har nigaah phisal gai

shaam ke dhundlakon mein Dubtaa hai yuun suraj
jaise aarzu koi mere dil mein marti hai

gaanv ke parinde tum ko kyaa pataa bideson mein
raat ham akelon ki kis tarah guzarti hai

gham ki band muTThi mein ret saa miraa jivan
jab zaraa kasi muTThi zindagi bikharti hai

tujh se mil kar bhi udaasi nahin jaati dil ki
tu nahin aur koi meri kami ho jaise

kisi ne bhejaa hai khat pyaar aur vafaa likh kar
qalam se kaam diyaa hai mujhe khudaa likh kar

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

dil se miTnaa tiri angusht-e-hinaai kaa khayaal
ho gayaa gosht se naakhun kaa judaa ho jaanaa

'riyaaz' ehsaas-e-khuddaari pe kitni choT lagti hai
kisi ke paas jab jaataa hai koi muddaaa le kar

us ko judaa hue bhi zamaana bahut huaa
ab kyaa kahein ye qissa puraanaa bahut huaa