kisi ik zakhm ke lab khul gae the — Ateequllah

fazaa mein haath to uTThe the ek saath kai
kisi ke vaaste koi duaa na kartaa thaa

tum ne to faqat us ki rivaayat hi suni hai
ham ne vo zamaana bhi guzarte hue dekhaa

zaraa se rizq mein barkat bhi kitni hoti thi
aur ik charaagh se kitne charaagh jalte the

ye raah-e-talab yaaro gumraah bhi karti hai
saamaan usi kaa thaa jo be-sar-o-saamaan thaa

aaina aaina tairtaa koi aks
aur har khvaab mein dusraa khvaab hai

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

ham na maaneinge khamoshi hai tamannaa kaa mizaaj
haan bhari bazm mein vo bol na paai hogi

aankhon aankhon mein pilaa di mire saaqi ne mujhe
khauf-e-zillat hai na andesha-e-rusvaai hai

zamaana ye aa gayaa hai 'rahbar' ki ahl-e-binash ko kaun puchhe
jame hain makkaar kursiyon par dikhaa rahe hain ganvaar aankhein

tang paimaai kaa shikva saaqi-e-azali se kiyaa
ham ne samjhaa hi nahin dastur-e-mai-khaana abhi