aankhon aankhon mein pilaa di mire saaqi ne mujhe — Jitendra Mohan Sinha Rahbar

dozakh se bhi kharaab kahun main bahisht ko
do-chaar agar vahaan pe bhi sarmaaya-daar hon

ek aansu bhi agar ro de to jaanun tujh ko
meri taqdir mujhe dekh kar hansti kyaa hai

rashk-e-jinaan chaman ko banaanaa basant kaa
har har kali mein rang dikhaanaa basant kaa

har samt sabza-zaar bichhaanaa basant kaa
phulon mein rang-o-bu ko luTaanaa basant kaa

tu ne hi rah na dikhaai to dikhaaegaa kaun
ham tiri raah mein gumraah hue baiThe hain

qudrat ki barkatein hain khazaana basant kaa
kyaa khuub kyaa ajiib zamaana basant kaa

na tum hosh mein ho na ham hosh mein hain
chalo mai-kade mein vahin baat hogi

khudaa ke haath hai biknaa na biknaa mai kaa ai saaqi
baraabar masjid-e-jaame ke ham ne ab dukaan rakh di

zindagi zor hai ravaani kaa
kyaa thamegaa bahaav paani kaa

kahaan milegi misaal meri sitamgari ki
ki main gulaabon ke zakhm kaanTon se si rahaa huun

aae kuchh abr kuchh sharaab aae
is ke baa'd aae jo azaab aae

'jaami' main tasavvur mein vahaan pahunchaa huaa huun
haan mujh ko mire shaah-e-najaf dekh rahe hain